بقلم المستشار الإعلامي والسياسي خميس إسماعيلرئيس مجلس إدارة جريدة وقناة أخبار العالم مصر
الأمين العام ورئيس مجلس الأمناء للمؤسسة المصرية للإعلام وحقوق الإنسان والتنمية
مؤسس ورئيس مجلس إدارة الحملة المصرية لدعم الدولة للإعلام السياسي – المشهرة برقم 21033 لسنة 2019 بوزارة العدل
رئيس مجلس إدارة الاتحاد المصري للقبائل العربية
رئيس مجلس إدارة الأكاديمية المصرية للإعلام وحقوق الإنسان والتنمية
رئيس مجلس إدارة الاتحاد العالمي للسلام الاجتماعي والعادل
—
ما أجمل سحر المنشية في إسكندرية وقت العصاري، لما الشمس تبدأ تميل، والبحر يهدي، وتلاقي الهوا بيهمس على خدك وأنت قاعد قدام كوب شاي على البحر…
تمشي في ميدان الشهداء، التاريخ بيحاوطك من كل زاوية، والناس رايحة جاية، والهدوء جواك مش حواليك.
تعدي على مجمع المحاكم، تشوف الهيبة والعراقة في المباني، وتسمع صدى العدالة في خطوات الناس الطالعة والنازلة، وكل واحد شايل قصة جوه صدره.
لكن اللحظة الحقيقية، لما تقعد على البحر في وقت العصاري…
الهوا عليل، والناس حواليك في هدوء جميل، تحس كأن الدنيا كلها قررت تهدى علشانك.
وبعدها لازم تختم الجولة بأكلة تستاهل الانتظار…
تروح عند شعبان بتاع السمك، هناك بقى الطعم حكاية… سمك طازة معمول بإيدين بتفهم في السرّ والملح واللمسة، ورز صيادية وسلطات، وطشة كده تقولك: “إنت وصلت”.
—
فقرة: أنا وقهوتي وقلميأنا وقهوتي وقلمي، شركاء في عشق الأماكن اللي ليها روح،
نكتب عن المنشية، مش بس بالكلمات… نكتب بريحة البحر، بنظرات الناس، بصوت الموج لما يطبطب على التعبان فينا،
نكتب عن الأمان اللي بيجي من الهدوء، وعن الحنين اللي ملوش تفسير.
—
فقرة دينية“وجعلنا من الماء كل شيء حي”…
والبحر مش بس حياة… ده ملجأ وسَكينة وذكرى.
وفي البحر بنشوف قدرة ربنا، وبنحس بقربه في كل نسمة، وكل موجة بتغسل الهم من القلب.
—
فقرة سياسيةالإسكندرية مش مجرد مدينة…
دي جزء من نسيج الأمن القومي لمصر،
وبين المنشية وميدان الشهداء، تتشكل الذاكرة الوطنية، وتحيا المبادئ،
وفي كل زاوية فيها قصة وطن بيتبني… بإصرار شعب وقيادة بتواجه العالم كله علشان تحافظ على كرامة الإنسان،
إسكندرية هي بوابة البحر… وبوابة الوعي.
—
فقرة تحريريةسكندرية هي اللي بتجمع بين سحر البحر وهيبة التاريخ ودفء الناس،
وفي المنشية تحديدًا، كل حاجة بتتكلم… الشوارع، العمارات، الميادين، حتى رائحة السمك في الهوا…
دي مش فسحة، دي تجربة، تتسجل جوه القلب، وتتحكي في كل جلسة قهوة، وتتحفر في دفتر الذكريات.
—
ختامًافي وقت العصاري، بين ضوء الشمس اللي بيودّع والموج اللي بيغني…
تعرف إن في أماكن مش بس للزيارة، لكن للرجوع ليها كل مرة تحس إنك محتاج تفتكر نفسك.
